Жолдасбаев Сәйден Жолдасбайұлы (1936–2021)

Сайден Жолдасбайұлы өзінің ғылыми жолын Алматы облысының Ұйғыр ауданындағы Октябрь мектебінде мұғалімдік қызметтен бастады. 1969-1972 жылдары Ш.Ш. Уәлиханов атындағы Тарих, археология және этнология институтының аспирантурасын бітірді. Осы жылдары ОҚКАЭ-нің жұмыстарына қатысып, отряд басқарды. 1976 жылы кандидаттық диссертациясын қорғады. 1972-1978 жылдары Тарих, археология және этнология институтында ғылыми қызметкер, Абай атындағы ҚазПИ-де, әл-Фараби атындағы ҚазҰУ-де оқытушы болып жұмыс істеді. 1998 жылы тарих ғылымдарының докторы дәрежесін қорғады, 1999 жылы профессор атағы берілді. 2002 жылдан бастап Қ.А. Ясауи атындағы Халықаралық қазақ-түрік лицейінің «Археология, этнология және музей ісі» кафедрасының меңгерушісі, 2008 жылдан бастап осы университеттің Археологиялық зерттеулер орталығының директоры болып сайланды.

Ол XV-XVII ғасырлардағы мәдениет пен дәстүрлі шаруашылықты зерттеді. Қазақтардың қыстауларына археологиялық қазба жұмыстарын жүргізіп, қазақтардың егіншілікпен айналысқанын дәлелдеді. Жалпы жарияланған ғылыми еңбектерінің саны 250-ден астам, оның ішінде 5 монография, 4 оқулық, студенттерге арналған 5 оқу құралы, энциклопедиялар мен түрлі басылымдарда жарияланған ғылыми мақалалары бар. Сонымен қатар, жоғары оқу орындарына арналған «Қазақстан ежелгі және орта ғасырларда» оқулығын шығарды.

Сайден Жолдасбайұлы конгрестерге, конференцияларға және семинарларға, қатысты. С. Жолдасбайұлы 8 докторлық, 10 кандидаттық диссертацияның ғылыми рецензенті, 10-нан астам ғылыми кандидаттың жетекшісі болды.

Өмірінің соңғы жылдары С. Жолдасбайұлы Қазақстанның ең ірі қалаларының бірі – ортағасырлық Сығанақ қаласын зерттеді. С. Жолдасбайұлының негізгі ғылыми бағыттары – урбанизацияны және XV-XIX ғасырлардағы Қазақстан тарихын зерттеумен байланысты болды

Сайден Жолдасбайұлы 2021 жылы қайтыс болды.
 

Жолдасбаев С. Жилища казахов Южного Казахстана XV-XIX веков по данным археологии // Археологические памятники Казахстана. - Алма-Ата, 1978. - С. 203-212.
Жолдасбаев С. Типы оседлых поселений казахов по данным археологических исследований Южного и Центрального Казахстана (XV-XIX вв.) // Прошлое Казахстана по археологическим источникам. - Алма-Ата, 1976. - С. 46-58. 
Жолдасбаев С. Средневековый город Сыгнак (XV-XVIII вв.). - Туркестан, 2010.
Материалы и исследования по археологии Казахстана X том. Оседлые поселения казахов в XV–XVIII вв. / С. Жолдасбаев – Астана: Қазақ ғылыми-зерттеу мәдениет институтының баспа тобы, 2017. – 304 б. – Қазақша, ағылшынша, орысша. Автор проекта З. Самашев.